ଏସ୍‌ସିବି ଆଇସିୟୁ ଅଗ୍ନିକାଣ୍ଡ ତଦନ୍ତ ପାଇଁ ନିର୍ଦେଶ ଦେଲେ ରାଜ୍ୟ ସରକାର

Asmita TV

ଏସ୍‌ସିବି ଆଇସିୟୁ ଅଗ୍ନିକାଣ୍ଡ ତଦନ୍ତ ପାଇଁ ନିର୍ଦେଶ ଦେଲେ ରାଜ୍ୟ ସରକାର

ଏସ୍‌ସିବି ଆଇସିୟୁ ଅଗ୍ନିକାଣ୍ଡ ଘଟଣାର ହେବ ନ୍ୟାୟିକ ତଦନ୍ତ । ଏଥିପାଇଁ ରାଜ୍ୟ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଅବସରପ୍ରାପ୍ତ ବିଚାରପତି ଜଷ୍ଟିସ୍ ଲକ୍ଷ୍ମୀଧର ବିଶ୍ବାଳ ଏହାର ତଦନ୍ତ କରିବେ । ରାଜ୍ୟ ସରକାର ବିଜ୍ଞପ୍ତିରେ ଏହା ଦର୍ଶାଇଛନ୍ତି । କିପରି ଓ କେଉଁ ପରିସ୍ଥିତିରେ ଆଇସିୟୁରେ ନିଆଁ ଲାଗିଲା? ଅଗ୍ନିକାଣ୍ଡ ବେଳେ ଦାୟିତ୍ବରେ ଥିବା କର୍ମଚାରୀ କ’ଣ କରୁଥିଲେ? ସେହି ସମୟରେ ନିଆଁ ଲିଭା ପାଇଁ ହସ୍ପିଟାଲ ପକ୍ଷରୁ କି କି ବ୍ୟବସ୍ଥା ଓ ପ୍ରସ୍ତୁତି ହୋଇଥିଲା? ଅଗ୍ନିକାଣ୍ଡରୁ ରୋଗୀଙ୍କ ଜୀବନ ବଞ୍ଚାଇବାକୁ କ’ଣ ପଦକ୍ଷେପ ନିଆଯାଇଥିଲା? ଏଭଳି ତମାମ ଦିଗରେ ତନ୍ନ ତନ୍ନ କରି ଯାଞ୍ଚ କରିବେ ଜଷ୍ଟିସ୍ ଲକ୍ଷ୍ମୀଧର ବିଶ୍ବାଳ ଓ ତାଙ୍କ ଟିମ୍ । ସୂଚନାଯୋଗ୍ୟ ଯେ, ଗତ ରବିବାର ରାତିରେ SCB ମେଡିକାଲ ଟ୍ରମା କେୟାର I CUରେ ନିଆଁ ଲାଗି ୧୨ ଜଣ ରୋଗୀଙ୍କ ଶୋଚନୀୟ ମୃତ୍ୟୁ ହୋଇଛି । ଦୁର୍ଭାଗ୍ୟଜନକ ଅଗ୍ନିକାଣ୍ଡକୁ ନେଇ ରାଜ୍ୟ ସରକାରଙ୍କ ପଦକ୍ଷେପ ଉପରେ ସମସ୍ତଙ୍କ ନଜର ଥିବା ବେଳେ ଏହା ପଛରେ କିଏ କେମିତି କିପରି ହେଲା ତାହାର ତଦନ୍ତ ପାଇଁ ନିର୍ଦେଶ ଦେଇଛନ୍ତି ରାଜ୍ୟ ସରକାର । ଏହାଛଡ଼ା ତଦନ୍ତ ପାଇଁ ଉନ୍ନୟନ କମିଶନରଙ୍କ ନେତୃତ୍ବରେ ଏକ ୬ ଜଣିଆ ଫ୍ୟାକ୍ଟ ଫାଇଣ୍ଡିଂ ଟିମ୍ ଘଟଣାର ତଦନ୍ତ କରୁଛନ୍ତି । ଅନ୍ୟପଟେ ଏହାକୁ ନେଇ ମୃତକଙ୍କ ପରିବାରଙ୍କୁ ସରକାରଙ୍କ ତରଫରୁ ସହାୟତା ରାଶି ପ୍ରଦାନ କରାଯିବ।