ପନ୍ତଙ୍କ ଉପରେ ରାଗିଗଲେ କି ଟିମ ମାଲିକ

ଦିଲ୍ଲୀ କ୍ୟାପିଟାଲ୍ସ ଠାରେ ଲକ୍ଷ୍ନୌ ସୁପର ଜାଏଣ୍ଟସର ପରାଜୟ ପରେ ଅଧିନାୟକ ଋଷଭ ପନ୍ତ ଓ ଟିମର ମାଲିକ ସଞ୍ଜୀବ ଗୋଏଙ୍କାଙ୍କ ଯାହାର ଭିଡିଓ ଏବେ ଭାଇରଲ ହେବାରେ ଲାଗିଛି । ଦିଲ୍ଲୀଠୁ ହାରିବା ପରେ ପନ୍ତଙ୍କ ଉପରେ ବର୍ଷିଛନ୍ତି ଲକ୍ଷ୍ନୌ ସୁପର ଜଏଣ୍ଟସ୍ ମାଲିକ ସଞ୍ଜିବ ଗୋଏଙ୍କା ।

ଖବର ଅନୁଯାୟୀ, ବୁଧବାର ଆଇପିଏଲ ମ୍ୟାଚରେ ଦିଲ୍ଲୀକୁ ଭେଟିଥିଲା ଲକ୍ଷ୍ନୌ ସୁପର ଜାଏଣ୍ଟସ୍ । ପନ୍ତଙ୍କ ଟିମ୍ ପ୍ରଥମେ ବ୍ୟାଟିଂ କରି ମାତ୍ର ୧୪୧ରେ ଅଲଆଉଟ୍ ହୋଇଯାଇଥିଲା । ପନ୍ତ ୭ ରନ୍ କରି ପ୍ୟାଭିଲିୟନ ଫେରିଥିଲେ । । ୧୪୧ ରନର ଟାର୍ଗେଟକୁ ଦିଲ୍ଲୀ ସହଜରେ ଜିତି ନେଇଥିଲା । ଦିଲ୍ଲୀ ଲକ୍ଷ୍ନୌକୁ ୬ ଓ୍ବିକେଟରେ ହରାଇଥିଲା ।

ଯାହା ପରେ ପନ୍ତ କହିଥିଲେ ଯେ, ୧୪୦ ରନ୍ ସ୍କୋର କରିବା ପରେ ବୋଲରଙ୍କୁ ଖୁବ୍ ପରିଶ୍ରମ କରିବାକୁ ହୋଇଥାଏ । ପାଓ୍ୱାର ପ୍ଲେରେ ଦିଲ୍ଲୀର ଅଧିକ ଓ୍ୱିକେଟ୍ ଯାଇଥିଲେ ସେମାନେ ଚାପକୁ ଆସିଯାଇଥାନ୍ତେ ।

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ନଜର ଆସିଛନ୍ତି ମାଲିକ ସଞ୍ଜୀବ ଗୋଏଙ୍କା ଏବଂ ପନ୍ତ । ଏହାସହ କୋଚ୍ ଜଷ୍ଟିନ୍ ଲାଙ୍ଗର ମଧ୍ୟ ରହିଛନ୍ତି । ସଂଜୀବ ଗୋଏଙ୍କା ପନ୍ତଙ୍କୁ କିଛି କହୁଛନ୍ତି । ପନ୍ତ ମଧ୍ୟ ସିରିୟସ ହୋଇ ଗୋଏଙ୍କାକୁ କିଛି ବୁଝାଉଛନ୍ତି ।