ଗଛ ମୂଳେ ଖଡି ଛୁଆଁ ଉତ୍ସବ

ବାସୁଦେବପୁର ବ୍ଲକର ବୋହୂମାଘେରୀ ପ୍ରାଥମିକ ବିଦ୍ୟାଳୟର ଦେଖିବାକୁ ମିଳୁଛି  ଶିକ୍ଷା ବ୍ୟବସ୍ଥାର ବିକଳ ଚିତ୍ର  ।  ହେଲେ ଦେଶର ଭବିଷ୍ୟତ କୁହା ଯାଉଥିବା କୁନି କୁନି ଶିଶୁମାନଙ୍କ

ଭାଗ୍ଯ ଭବିଷ୍ୟତ ଗଢା ଚାଲିଛି ମୁକ୍ତ ଆକାଶ ତଳେ ।  ସୁସଜ୍ଜିତ ସ୍କୁଲ ଓ ସୁନ୍ଦର ପରିବେଶ ଛାତ୍ର ଛାତ୍ରୀଙ୍କ ମନରେ ଆତ୍ମ ବିଶ୍ୱାସ ଭରିଦିଏ  ।କାଳିଆ ଘୋଡାରେ ଚଢିବି,  ମଧୁ ବାବୁଙ୍କ ସହ ଲଢିବି  ... ଆଜି  ଭୁଷୁଡି ପଡିଛି  ଆମ ବିଦ୍ୟାଳୟର ଭିତ୍ତିଭୂମି  । ସଭିଏଁ ପଢିବା... ସଭିଏଁ ବଢିବା ...। ସରକାରଙ୍କର ଏହି ସୁନ୍ଦର ନାରା .. ପ୍ରହସନ ପାଲଟିଛି ।  ସମଗ୍ର ରାଜ୍ୟରେ ଆଜି ପାଳିତ  ହେଉଛି ପ୍ରବେଶ ଉତ୍ସବ  ଓ ଖଡିଛୁଆଁ  -୨୦୨୬ । ଉତ୍ସବ ମୁଖର ବିଭିନ୍ନ ସ୍କୁଲ  । ଆଗ୍ରହର ସହିତ  ଶିଶୁ ବାଟିକାର ଶିଶୁମାନଙ୍କୁ ନେଇ ପାଳିତ ହେଉଛି ପ୍ରବେଶ ଉତ୍ସବ  । ଆନନ୍ଦ ଉଲ୍ଲାସ ମଧ୍ଯରେ ପାଳନ ହେଉଛି ଖଡିଛୁଆଁ ଦିବସ । କେଉଁଠି କେଉଁଠି  ନାଚ ଗୀତରେ ମଜଗୁଲ୍ ହୋଇ ଉଠୁଛନ୍ତି ଛାତ୍ର ଛାତ୍ରୀମାନେ  । ତାସାଙ୍ଗକୁ ସୁସଜ୍ଜିତ ଟେଣ୍ଟରେ ଚାଲିଛି ଖଡି ଛୁଆଁ ଉତ୍ସବ ।  ବାସୁଦେବପୁର ବ୍ଲକର କିସ୍ମତ କୃଷ୍ଣପୁର ପଞ୍ଚାୟତର ବହୂମାଘେରୀ ୟୁପି ସ୍କୁଲରେ ଭିନ୍ନ ଚିତ୍ର ଦେଖିବାକୁ ମିଳିଛି । ଗଛ ମୂଳରେ ଚାଲିଛି ଖଡି ଛୁଆଁ । ଫୁଲ ଚନ୍ଦନ ଦେଇ  ସ୍ବାଗତ କରାଯାଉଛି । ମୁକ୍ତ ଆକାଶ ତଳେ କୁନି କୁନି ଶିଶୁମାନେ । ଗଛରେ ଲାଗିଛି ବେନର  । ହାତରେ  ଖଡି ଓ ନୂତନ ସ୍ଲେଟ  । ଶିକ୍ଷାରମ୍ଭ ଗଛ ମୂଳରେ । ଏହି ଆମ ସ୍ବାଧୀନତା ଭାରତର ବିକଶିତ ଭାରତର ବିକଳ ଚିତ୍ର   । ସେପ୍ଟେମ୍ବର ମାସ  ୫ ତାରିଖ ଗୁରୁଦିବସରେ ପ୍ଲାଷ୍ଟର ଖସି ତିନି ଛାତ୍ର ଛାତ୍ରୀଙ୍କ ମୁଣ୍ଡ ଫାଟିଥିଲା । ବିପଦ ସଙ୍କୁଳ ଘରକୁ ଭାଙ୍ଗି ନୂତନ ଘର ନିର୍ମାଣ କରିବାକୁ ୧୬ ଲକ୍ଷ ଟଙ୍କା ଯୋଗାଇ ଦିଆଯାଇଛି । କନିଷ୍ଠ ଯନ୍ତ୍ରୀ ଓ ଠିକାଦାରଙ୍କ  ମନମାନୀ ଯୋଗୁଁ  ଗଛ ମୂଳ ସାହା ଭରଷା ପାଲଟିଛି । ପାଖରେ ପୋଖରୀ । ସାପ କୁ ଭୟ । ଜୀବନକୁ ବାଜି ଲଗାଇ ଭବିଷ୍ୟତ ଗଢିବାର ସ୍ବପ୍ନ ଦେଖୁଛନ୍ତି ଛାତ୍ର ଛାତ୍ରୀ । ଶିକ୍ଷାନୁଷ୍ଠାନର ଦୁର୍ବଳ ଭିତ୍ତିଭୂମିକୁ ଦେଖି କିଛି ଅବିଭାବକ ମୁହଁ ଫେରାଇ ବେସରକାରୀ ଶିକ୍ଷାନୁଷ୍ଠାନ ମୁହାଁ ହେଉଛନ୍ତି । ଲୋକଙ୍କ ସରକାର ଏଥିପ୍ରତି ସଜାଗ ନହେଲେ ସରକାରୀ ସ୍କୁଲ ଥିବ ... କିନ୍ତୁ ଛାତ୍ରଛାତ୍ରୀ ନଥିବେ ।