ବାପା, ମା ଆମର ପ୍ରଥମ ଗୁରୁ: ମୁଖ୍ୟମନ୍ତ୍ରୀ

କୁନି କୁନି ପିଲାଙ୍କ ହାତ ଧରି ଖଡି ଛୁଆଁଇବେ ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀ ନିଜେ ପିଲାମାନଙ୍କ ହାତ ଧରି ସିଲଟରେ ପ୍ରଥମ ଅକ୍ଷର ଭାବେ 'ବାପା' ଓ 'ମା' ଲେଖାଇ ଶିକ୍ଷାଦାନର ଶୁଭାରମ୍ଭ କରିବେ। ଭୁବନେଶ୍ୱର ରାଜଭବନ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆୟୋଜିତ ହୋଇଛି ଶିଶୁ ବାଟିକା ପିଲାଙ୍କ ଖଡିଛୁଆଁ କାର୍ଯ୍ୟକ୍ରମ । ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗ ଦେଇଛନ୍ତି । ବିଭାଗୀୟ ମନ୍ତ୍ରୀ ମଧ୍ୟ ସାମିଲ ଅଛନ୍ତି ।ସ୍କୁଲ ପ୍ରବେଶ ଅବସରରେ କୁନି କୁନି ପିଲାଙ୍କୁ ଖଡି ଛୁଆଁଇଲେ ମୁଖ୍ୟମନ୍ତ୍ରୀ । ଶିଶୁଙ୍କର ନୂଆ ଆଶା, ଦିଗଦର୍ଶନ ପାଇଁ ଏଭଳି ନିଷ୍ପତ୍ତି ନିଆଯାଇଥିଲା । ଚଳିତ ବର୍ଷ ମୁଖ୍ୟମନ୍ତ୍ରୀ ପିଲାମାନଙ୍କ ପାଖରେ ବସି କିଛି ବାର୍ତ୍ତାଳାପ କରିଥିଲେ । ବାପା, ମା ଆମର ପ୍ରଥମ ଗୁରୁ । ଏଣୁ ସେମାନଙ୍କ ସିଲଟରେ ପ୍ରଥମେ ବାପା ମା ବୋଲି ଲେଖିଛନ୍ତି ମୁଖ୍ୟମନ୍ତ୍ରୀ । ସୂଚନା ଯୋଗ୍ୟ,  ଖଡ଼ି ଛୁଆଁ ପାଇଁ ରାଜ୍ୟରେ ପ୍ରାୟ ୫ ଲକ୍ଷ ନିମନ୍ତ୍ରଣ କାର୍ଡ଼ ବଣ୍ଟା ସରିଛି। ପ୍ରଶାସନିକ କାରଣରୁ, ଶିଶୁବାଟିକା ପିଲାଙ୍କ ପାଇଁ ଏପ୍ରିଲ ୨ରେ ହେବାକୁ ଥିବା ଖଡିଛୁଆଁ କାର୍ଯ୍ୟକ୍ରମକୁ ୪ ତାରିଖକୁ ଘୁଞ୍ଚାଯାଇଥିଲା। ଆଜି ଏହି କାର୍ଯ୍ୟକ୍ରମ ହେଉଛି । ଏହି କାର୍ଯ୍ୟକ୍ରମ ୬ରୁ ୧୦ ତାରିଖ ଯାଏ ଚାଲିବ ।