ଭୂକମ୍ପରେ ଥରିଲା ଇଣ୍ଡୋନେସିଆ

ଆଜି ସକାଳୁ ସକାଳୁ ଇଣ୍ଡୋନେସିଆ ଭୟଙ୍କର, ଶକ୍ତିଶାଳୀ ଏବଂ ବିନାଶକାରୀ ଭୂମିକମ୍ପରେ ଥରି ଉଠିଥିଲା। ଇଣ୍ଡୋନେସିଆର ଉତ୍ତର ମାଲୁକୁ ପ୍ରଦେଶରେ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିଲା, ଯାହାର ତୀବ୍ରତା ରିକ୍ଟର ସ୍କେଲରେ ୭.୮ ଥିଲା।

ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ, ଭୂମିକମ୍ପର କେନ୍ଦ୍ରସ୍ଥଳ ଟେର୍ନାଟେ ନିକଟବର୍ତ୍ତୀ ଉତ୍ତର ମାଲୁକୁ ସାଗରରେ ଅବସ୍ଥିତ ଥିଲା ଏବଂ ଏହାର ବିନାଶକାରୀ ଭୂକମ୍ପୀୟ ତରଙ୍ଗ ପୃଥିବୀ ପୃଷ୍ଠ ତଳେ ୧୦ କିଲୋମିଟର ଗଭୀରତାରୁ ଉତ୍ପନ୍ନ ହୋଇଥିଲା।

ଇଣ୍ଡୋନେସିଆରେ ଭୂକମ୍ପର ଝଟକା ଭୟଙ୍କର ହୋଇପାରେ ବୋଲି ଆଶଙ୍କା କରି ଭୂକମ୍ପବିଜ୍ଞାନୀମାନେ ସୁନାମିର ସମ୍ଭାବନା ସମ୍ପର୍କରେ ସତର୍କ କରାଇଛନ୍ତି। ରିପୋର୍ଟ ଅନୁଯାୟୀ ଭୂମିକମ୍ପ ଏତେ ତୀବ୍ର ଥିଲା ଯେ ଏହା ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିଥିଲା। ଲୋକେ ଚିତ୍କାର କରିବା ସହ ଏଣେତେଣେ ଦୌଡିବାକୁ ଲାଗିଥିଲେ। ସରକାର ନାଗରିକମାନଙ୍କୁ ଉଚ୍ଚ ଭୂମିକୁ ଯିବାକୁ ପରାମର୍ଶ ଦେଇଛନ୍ତି ଏବଂ ଉପକୂଳ ଅଞ୍ଚଳଗୁଡ଼ିକୁ ଖାଲି କରିବାକୁ ନିର୍ଦ୍ଦେଶ ମଧ୍ୟ ଜାରି କରିଛନ୍ତି।