ପରଦାକୁ ଆସୁଛି 'ବିନ୍ଦୁସାଗର'

ଭୁବନେଶ୍ୱର ଅସ୍ମିତାଟିଭି ଲାଇଭି : ବଦଳିଛୁ ଓଲିଉଡ । ଆଉ ବଦଳୁଛି ଚଳଚିତ୍ରର ଢଙ୍ଗ । କେବଳ ମନୋରଞ୍ଜନ ପାଇଁ ନୁହଁ ମୌଳିକ କାହାଣୀ ସହ ପରଦାକୁ ଆସୁଛି ଅନେକ ଫିଲ୍ମ । ଯେଉଁ କାରଣ ପାଇଁ ପୁଣି ଥରେ ଓଲିଉଡର ଲୋକପ୍ରିୟତା ବଢିଲାଣି । ଏହି ଭଲପାଇବାକୁ ଆହୁରି ବଢାଇବା ପାଇଁ ଖୁବ ଶୀଘ୍ର ପରଦାକୁ ଆସିବାକୁ ଯାଉଛି ଓଡ଼ିଆ ଫିଲ୍ମ 'ବିନ୍ଦୁସାଗର' । ନିକଟରେ ଏହାର  ଟ୍ରେଲର ରିଲିଜ କରାଯାଇଥିଲା । ଯାହା ଲୋକଙ୍କୁ ବେଶ ପସନ୍ଦ ଆସିଥିଲା । ଟ୍ରେଲର ଦେଖିବା ପରେ ଏହି ଫିଲ୍ମକୁ ଦେଖିବା ପାଇଁ ଉତ୍ସାହର ସହ ଅପେକ୍ଷା କରିଛନ୍ତି ।

ଏହି ଫିଲ୍ମରେ ଅଭିଷେକ ସ୍ୱାଇଁ ନିର୍ଦ୍ଦେଶନା ଦେଇଥିବା ବେଳେ ଅଭିଷେକ ଦାସ ଏହାକୁ ଲେଖିଛନ୍ତି । ଶୀଲାଦିତ୍ୟ ବୋରା, ବିନୟ ରେଡ୍ଡି ଓ ଶୁଭ ଶେଖର ଏହାକୁ ଫ୍ରଯୋଜନା କରିଛନ୍ତି । ଏହି ଚଳଚିତ୍ରରେ ପ୍ରକୃତି ମିଶ୍ର ଓ ଦ୍ୱିପାନ୍ୱୀତ ଦାସମହାପାତ୍ର ପ୍ରଥମ ଥର ଏକ ସାଥିରେ ନଜର ଆସିବେ। ମନୋଜ, ପ୍ରଣବ ପ୍ରସନ୍ନ ରଥ, ସୁକାନ୍ତ ରଥ ଓ ମମତା ତ୍ରିପାଠୀ,ସୋନାଲି ସର୍ମିଷ୍ଠା, ସତ୍ୟ ରଞ୍ଜନ, ରୋବିନ ଦାସ, କିଶୋର ସ୍ୱାଇଁ, ଜଗନ୍ନାଥ ସେଠ ପ୍ରମୁଖ ଅଭିନୟ କରିଛନ୍ତି । ଏହି ଫିଲ୍ମରେ ବିନ୍ଦୁ ସାଗରକୁ ନୂଆ ଢଙ୍ଗରେ ଦେଖେଇବାକୁ ଚେଷ୍ଟା କରାଯାଇଛି । ବିନ୍ଦୁସାଗର ସହ ଲିଙ୍ଗରାଜର ଅଳିଗଳି ସୁନ୍ଦର ଭାବରେ ଦେଖେଇବା ସହ ଦର୍ଶକଙ୍କୁ ଯୋଡ଼ିବାକୁ ପ୍ରୟାସ କରାଯାଇଛି।